Top Ad unit 728 × 90

కరోనా నుంచి పూర్తిగా కోలుకున్న రాజశేఖర్...!

కరోనా నుంచి పూర్తిగా కోలుకున్న రాజశేఖర్...!

 

సీనియర్ హీరో డాక్టర్ రాజశేఖర్ ను హాస్పిటల్ నుంచి సోమవారం డిశ్చార్జ్ చేశారు. రాజశేఖర్ డిశ్చార్జ్ అయిన విషయాన్ని జీవిత మీడియాకు తెలియజేశారు. మేరకు ఒక వీడియోను విడుదల చేశారు. తన భర్త కోలుకోవడానికి సహకరించిన సిటీ న్యూరో సెంటర్ వైద్య సిబ్బందికి జీవిత ధన్యవాదాలు తెలిపారు. డాక్టర్ కృష్ణ తన బృందంతో కలిసి రాజశేఖర్కు మెరుగైన వైద్య సేవలు అందించారని.. తమను సొంత కుటుంబ సభ్యుల్లా చూసుకున్నారని జీవిత భావోద్వేగానికి గురయ్యారు. ఇకపై హాస్పిటల్ సిబ్బందిని మిస్ అవుతానని రాజశేఖర్ తనతో అన్నట్టు చెప్పారు. అలాగే, రాజశేఖర్ కోలుకోవాలని ప్రార్థించిన అందరికీ జీవిత ధన్యవాదాలు తెలిపారు. అందరి ఆశీర్వాదాలతోనే ఆయన కోలుకున్నారని చెప్పారు. నెల రోజుల క్రితం రాజశేఖర్ కుటుంబం కరోనా బారిన పడిన విషయం తెలిసిందే. ఇక రాజశేఖర్తోపాటు ఆయన భార్య జీవిత, కుమార్తెలు శివాని, శివాత్మిక హైదరాబాద్లోని సిటీ న్యూరో సెంటర్ హాస్పిటల్లో చేరారు. కరోనా మహమ్మారి నుంచి జీవిత, శివాత్మిక, శివాని కోలుకున్నా రాజశేఖర్ఆరోగ్యం మాత్రం ఆందోళనకరంగా మారింది. రాజశేఖర్ ఆరోగ్యం విషమించిందని, ఆయన కోసం ప్రార్థనలు చేయాలని స్వయంగా ఆయన కుమార్తె సోషల్ మీడియా ద్వారా కోరడంతో అంతా కంగారు పడ్డారు. అయితే, గత కొద్ది రోజులుగా రాజశేఖర్ ఆరోగ్యం మెరుగుపడుతూ వస్తోంది. ఆయన ఆరోగ్యంపై సిటీ న్యూరో సెంటర్ ఎప్పటికప్పుడు హెల్త్ బులిటెన్ విడుదల చేస్తూ వచ్చింది. క్రమంలో రాజశేఖర్ కొవిడ్ నుంచి పూర్తిగా కోలుకున్నారు.

కరోనా నుంచి పూర్తిగా కోలుకున్న రాజశేఖర్...! Reviewed by admin on Sunday, September 07, 2014 Rating: 5

Comment Below For This Post

Comments Added Successfully!
All Rights Reserved by VGC Online Services Pvt. Ltd. © 2017 - 2020

Contact Form

Name

Email *

Message *