Top Ad unit 728 × 90

గాయంతో మరో ప్లేయర్ ఔట్...!

గాయంతో మరో ప్లేయర్ ఔట్...!

 

ఐపీఎల్ 2020లో సన్రైజర్స్ హైదరాబాద్కు మూడోసారి గాయం దెబ్బ తగిలింది. ఢిల్లీతో మ్యాచ్లో బౌలింగ్ చేస్తుండగా గాయపడిన ఆల్రౌండర్ విజయ్ శంకర్ ఐపీఎల్ నుంచి వైదొలిగాడు. ఢిల్లీతో జరిగిన మ్యాచ్లో తొలి ఓవర్లో శ్రేయాస్ అయ్యర్ను ఔట్ చేసిన శంకర్ రెండో ఓవర్ ఐదో బంతికి తొడ కండరం పట్టేయడంతో మైదానాన్ని వీడాడు. దీంతో అతడి బదులు వార్నర్ బౌలింగ్ చేసి ఓవర్ ముగించాడు. హ్యామ్స్ట్రింగ్ ఇంజ్యూరీ కారణంగా విజయ్ శంకర్ ఐపీఎల్ నుంచి వైదొలిగినట్లు టైమ్స్ ఆఫ్ ఇండియా పేర్కొంది. సీజన్లో 7 మ్యాచ్లు ఆడిన శంకర్ 97 రన్స్ చేశాడు. రాజస్థాన్ రాయల్స్పై హాఫ్ సెంచరీ బాదిన విజయ్ శంకర్ మనీష్ పాండేతో కలిసి జట్టును గెలిపించాడు. పొదుపుగా బౌలింగ్ చేస్తూ వికెట్లు పడగొడుతున్న విజయ్ శంకర్ సన్రైజర్స్కు కీలక ఆటగాడిగా మారాడు. ఢిల్లీతో జరిగిన మ్యాచ్లో ఓపెనర్గా బరిలో దిగిన వృద్ధిమాన్ సాహా బ్యాటింగ్ చేస్తూ గాయపడ్డాడు. దీంతో మ్యాచ్లో సాహా బదులు శ్రీవాత్స్ గోస్వామి వికెట్ కీపింగ్ చేశాడు. కానీ అతడు కోలుకున్నాడని బెంగళూరుతో నేటి రాత్రి జరిగే మ్యాచ్లో బరిలో దిగుతాడని సన్రైజర్స్ చేసిన ట్వీట్ను బట్టి అర్థం అవుతోంది. సీజన్లో ఆర్సీబీతో సన్రైజర్స్ ఆడిన తొలి మ్యాచ్లోనే ఆల్రౌండర్ మిచెల్ మార్ష్ గాయం కారణంగా ఐపీఎల్ నుంచి నిష్క్రమించిన సంగతి తెలిసిందే. బౌలింగ్కు దిగిన వెంటనే మార్ష్ గాయపడ్డాడు. తర్వాత 11 రోజుల వ్యవధిలోనే చెన్నై సూపర్ కింగ్స్తో జరిగిన మ్యాచ్లో భువీ సైతం గాయపడి ఐపీఎల్ సీజన్ మొత్తానికి దూరమయ్యాడు. దీంతో మార్ష్ స్థానంలో హోల్డర్ను, భువీ స్థానంలో నెట్స్ బౌలర్ పృథ్వీరాజ్ యర్రాను రీప్లేస్మెంట్గా సన్రైజర్స్ ప్రకటించింది.

 

గాయంతో మరో ప్లేయర్ ఔట్...! Reviewed by admin on Sunday, September 07, 2014 Rating: 5

Comment Below For This Post

Comments Added Successfully!
All Rights Reserved by VGC Online Services Pvt. Ltd. © 2017 - 2020

Contact Form

Name

Email *

Message *