Top Ad unit 728 × 90

జీహెచ్ఎంసీ ఎన్నికల్లో పోటీపై జనసేన అధినేత ఏమన్నారంటే...!

జీహెచ్ఎంసీ ఎన్నికల షెడ్యూల్ ఎన్నికల కమిషన్ ప్రకటించింది. ఇవాల్టి నుంచి నామినేషన్లను స్వీకరించనున్నారు. దీంతో ప్రధాన పార్టీలన్నీ ఎన్నికల్లో పోటీకి ప్రయత్నాలు ప్రారంభించేశాయి. దీంతో అటు జనసేన పార్టీ అధినేత పవన్ కళ్యాణ్ సైతం జీహెచ్ఎంసీ ఎన్నికలపై కీలక నిర్ణయం తీసుకున్నారు. యువ కార్యకర్తల విజ్ఞప్తి మేరకు ఎన్నికల్లో పోటీ చేయాలని నిర్ణయించినట్లు ఆయన స్పష్టం చేశారు. మేరకు పవన్ ప్రకటన విడుదల చేశారు.

 

తెలంగాణ, జీహెచ్ఎంసీ పరిధిలో క్రియాశీలకంగా ఉన్న పార్టీ కార్యకర్తలు, యువ జనసైనికుల నుంచి అంశంపై పలు విజ్ఞప్తులు వచ్చాయి. వారి వినతి మేరకు జీహెచ్ఎంసీ ఎన్నికల్లో పోటీకి సన్నద్ధం కావాలని పార్టీ నాయకులను, నగర పరిధిలోని కమిటీలకు స్పష్టం చేశానని పవన్ కళ్యాణ్ పేర్కొన్నారు. తన వద్దకు వచ్చిన కార్యకర్తలు, కమిటీల ప్రతినిధులు ఇప్పటికే పలు దఫాలుగా సమావేశమై చర్చించుకున్నారు. జీహెచ్ఎంసీలోని పలు డివిజన్లలో ఉన్న జనసేన కమిటీలు క్షేత్రస్థాయిలో పనిచేస్తూ ఇప్పటికే ప్రజల పక్షాన నిలబడ్డాయన్నారు.

 

తమ కార్యకలాపాలపై సమగ్రంగా సమీక్షించుకుంటున్నాయని పవన్ కళ్యాణ్ పేర్కొన్నారు. ఎన్నికల్లో పోటీ చేయాలని క్షేత్రస్థాయిలోని కార్యకర్తలు బలంగా కోరుకుంటున్నారు. వారి అభీష్టానికి అనుగుణంగా జీహెచ్ఎంసీ ఎన్నికల్లో అభ్యర్థులను జనసేన పార్టీ నిలుపుతుందని పవన్ స్పష్టం చేశారు. మరోవైపు గ్రేటర్ ఎన్నికల్లో బీజేపీతో జనసేన పొత్తు ఉంటుందన్న వార్తలు కూడా వస్తున్నాయి. అయితే వీటిపై పవన్ కళ్యాణ్ ఇప్పటివరకు ఎలాంటి క్లారిటీ ఇవ్వలేదు.

 

Tags: pawan kalyan,janasena,party,Hyderabad,ghmc,elections,trs,bjp,congress,tdp,pslvtv

జీహెచ్ఎంసీ ఎన్నికల్లో పోటీపై జనసేన అధినేత ఏమన్నారంటే...! Reviewed by admin on Sunday, September 07, 2014 Rating: 5

Comment Below For This Post

Comments Added Successfully!
All Rights Reserved by VGC Online Services Pvt. Ltd. © 2017 - 2020

Contact Form

Name

Email *

Message *