Top Ad unit 728 × 90

మాంసం అస్సలు ముట్టని మొసలి ఆ ఆలయానికి కాపలాగా...!

మాంసం అస్సలు ముట్టని మొసలి ఆ ఆలయానికి కాపలాగా...!

 

మొసలి అనగానే దాని క్రూరత్వమే గుర్తుకొస్తుంది. అది నీటిలో ఉంటే ఎంత పెద్ద జంతువునైనా సరే దాని పళ్లతో చీల్చి పడేస్తుంది. కడుపు నిండా మాంసాహారాన్ని ఆరగించి హాయిగా విశ్రాంతి తీసుకుంటుంది. అయితే, కేరళలోని కసరగడ్ జిల్లాలోని అనంతపురలో జీవిస్తున్న ఈ మొసలి గురించి తెలిస్తే మీరు తప్పకుండా ఆశ్చర్యపోతారు. ఎందుకంటే, ఈ మొసలి మాంసాహారాన్ని ముట్టదు. అందుకే స్థానికులు ఈ మొసలిని దైవంగా భావిస్తారు. ఓ ఆలయానికి కాపలా కాస్తూ, సాధు జీవితం గడుపుతున్న ఈ మొసలి, శాఖాహరిగా మారడం గురించి పురాణాల్లో కూడా ప్రస్తావించారు. మరి, ఈ అరుదైన మొసలి గురించి మీకు కూడా తెలుసుకోవాలని ఉందా…? అయితే, చదివేయండి మరి.

 

శ్రీ అనంతపద్మనాభ స్వామి ఆలయంలోని సరస్సులో ఈ మొసలి జీవిస్తోంది. స్థానికులంతా దీన్ని బబియా అని పిలుస్తారు. ఈ సరస్సును ఆనుకుని ఉన్న ఆలయానికి ఈ మొసలి నిత్యం కాపలా కాస్తుంది. రోజూ గుడిలో ప్రసాదం తప్ప మరే ఆహారాన్ని స్వీకరించదు. ఒక్కోసారి ఈ మొసలి సరస్సు విడిచి ఆలయంలోకి కూడా ప్రవేశిస్తుంది. అయితే, భక్తులకు ఎలాంటి హాని చేయదు. మరో చిత్రం ఏమిటంటే, ఈ మొసలి పూజారి మాట విని సరస్సులోకి తిరిగి వెళ్లిపోతుంది.

 

పురాణాల్లో ఏం చెప్పారంటే... ఈ మొసలి శాఖాహారిగా మారడం వెనుక పురాణాల్లో ఓ కథ ఉంది. విష్ణువు కోసం విల్వమంగలతు స్వామి అనే ముని ఘోర తపస్సులో ఉంటాడు. అతడి భక్తిని పరీక్షించేందుకు విష్ణువు, కృష్ణుడి అవతారంలో బాలుడి రూపంలో వస్తాడు. అనంతరం విల్వమంగలతుతో పరాచకాలు ఆడతాడు. దీంతో విల్వమంగలతు ఆ బాలుడిని పక్కకు నెట్టేస్తాడు. దీంతో కృష్ణుడు ఓ చిన్న గుహలో పడిపోతాడు. ఈ విషయం తెలుసుకుని విల్వమంగలతు తీవ్ర ఆవేదనకు గురవ్వుతాడు. కృష్ణుడికి రక్షణగా అతడు ఓ మొసలిని ఏర్పాటు చేస్తాడు. ఆ గుహ ఆలయంలోనే ఉంది. బబియా నిత్యం అక్కడే కాపాలాగా ఉంటుంది.

 

చనిపోయింది, మళ్లీ ప్రత్యక్షం: 1945లో ఓ బ్రిటీష్ సైనికుడు ఈ సరస్సులో సంచరిస్తున్న మొసలిని చంపేశాడు. కొద్ది రోజుల తర్వాత అతడు పాము కాటుకు గురై చనిపోయాడు. దీంతో దేవుడి ఆగ్రహం వల్లే అతడు చనిపోయాడని స్థానికులు చెబుతారు. చిత్రం ఏమిటంటే అతడు చనిపోయిన కొద్ది రోజులకే మరో మొసలి సరస్సులో ప్రత్యక్షమైంది. అలా కొన్నేళ్లుగా ఒక మొసలి చనిపోయిన వెంటనే మరో మొసలి వస్తూనే ఉంది. శాఖహారాన్ని మాత్రమే స్వీకరిస్తూ ఆలయానికి కాపలాగా ఉంటున్నాయి.

మాంసం అస్సలు ముట్టని మొసలి ఆ ఆలయానికి కాపలాగా...! Reviewed by admin on Sunday, September 07, 2014 Rating: 5

Comment Below For This Post

Comments Added Successfully!

Contact Form

Name

Email *

Message *