Top Ad unit 728 × 90

ప్రపంచ వ్యాప్తంగా ఎంఐ 11 లాంచ్...!

ప్రపంచ వ్యాప్తంగా ఎంఐ 11 లాంచ్...!

 

ఎంఐ 11 గ్లోబల్ లాంచ్ ఫిబ్రవరి 8వ తేదీన జరగనుంది. దీనికి సంబంధించిన ఇన్వైట్లను షియోమీ మీడియాకు పంపించింది. దీంతోపాటే ఎంఐయూఐ 12.5 కూడా లాంచ్ కానుంది. ఎంఐ 11 గతంలోనే చైనాలో లాంచ్ అయింది. ఎంఐ 10కి తర్వాతి వెర్షన్‌గా ఈ ఫోన్ లాంచ్ కానుంది. క్వాల్ కాం స్నాప్ డ్రాగన్ 888 ప్రాసెసర్‌పై ఈ ఫోన్ పనిచేయనుంది. ఈ ప్రాసెసర్‌తో లాంచ్ అయిన మొదటి ఫోన్ ఇదే. ఎంఐ 11తో పాటు ఎంఐ 11 ప్రో కూడా లాంచ్ కానుందని వార్తలు వస్తున్నాయి. అయితే దీనికి సంబంధించిన అధికారిక ప్రకటన ఇంతవరకు రాలేదు. ఫిబ్రవరి 8వ తేదీన మధ్యాహ్నం 1 గంటకు (భారతీయ కాలమానం ప్రకారం సాయంత్రం 5.30) ఈ ఫోన్ లాంచ్ కానున్నట్లు టెక్ రాడార్ కథనంలో పేర్కొంది. అయితే దీని గురించిన సమాచారం తెలియరాలేదు. కంపెనీ కూడా దీని గురించి ఇప్పటివరకు ఎటువంటి అధికారిక ప్రకటనా చేయలేదు. ఎంఐ 11 ఇప్పటికే చైనాలో లాంచ్ అయింది. ఇందులో 6.81 అంగుళాల 2కే అమోఎల్ఈడీ డిస్ ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది.



హెచ్‌డీఆర్10+ సపోర్ట్ కూడా ఇందులో ఉంది. క్వాల్ కాం స్నాప్ డ్రాగన్ 888 ప్రాసెసర్‌పై ఎంఐ 11 పనిచేయనుంది. గ్రాఫిక్స్ కోసం అడ్రెనో 660 జీపీయూని ఇందులో అందించారు. 12 జీబీ వరకు ర్యామ్, 256 జీబీ వరకు స్టోరేజ్ ఇందులో అందించారు.



ఇక కెమెరాల విషయానికి వస్తే.. ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 108 మెగాపిక్సెల్‌గా ఉంది. దీంతోపాటు 13 మెగాపిక్సెల్ అల్ట్రా వైడ్ యాంగిల్ సెన్సార్, 5 మెగాపిక్సెల్ టెలిఫొటో మాక్రో కెమెరాలు కూడా ఇందులో ఉన్నాయి.

సెల్ఫీలు, వీడియో కాల్స్ కోసం ముందు వైపు 20 మెగాపిక్సెల్ కెమెరా అందుబాటులో ఉంది. 4600 ఎంఏహెచ్ బ్యాటరీని ఇందులో అందించారు. 55W ఫాస్ట్ చార్జింగ్‌ను ఇది సపోర్ట్ చేయనుంది. ఆండ్రాయిడ్ 11 ఆధారిత ఎంఐయూఐ 12.5 ఆపరేటింగ్ సిస్టంపై ఎంఐ 11 పనిచేయనుంది. ఈ ఫోన్ 50W వైర్ లెస్ ఫాస్ట్ చార్జింగ్, 10W వైర్ లెస్ చార్జింగ్‌ను ఇది సపోర్ట్ చేయనుంది.

ప్రపంచ వ్యాప్తంగా ఎంఐ 11 లాంచ్...! Reviewed by admin on Sunday, September 07, 2014 Rating: 5

Comment Below For This Post

Comments Added Successfully!
All Rights Reserved by VGC Online Services Pvt. Ltd. © 2017 - 2020

Contact Form

Name

Email *

Message *